Sadaka Yetu Bwana

Sadaka! Sadaka yetu Bwana, twaomba upokee
Ni mazao ya mashamba yetu ee Baba upokee *2
1. Mkate na divai, na pia nafsi zetu;
Ni zawadi yetu kwako, ee Baba upokee
2. Na fedha za mifukoni, mazao ya mashamba,
Ee Baba, kazi zetu, twaomba upokee (sadaka)
3. Pokea na nyoyo zetu, miili yetu pia
Ee Baba utupokee, tulio wana wako (sadaka)
4. Pokea tunakuomba, ingawa ni kidogo
Kwa unyenyekevu Baba, tunavileta kwako
5. Zawadi hii twaitoa, kwa sifa yako wewe,
Kwa ajili yetu sisi, nazo jamaa wetu (sadaka)